wantok

 

WES Nu Briten Provinsal Gavman i go pas na kisim olgeta hap graun bilong PNG Gems bai kamap long Novemba long Kimbe, Wes Nu Briten.

Gavana bilong WNB, Sasindran Muthuvel, i tok, ol spoting fesiliti bilong PNG Gems bai stap longpela taim na ol pipel bilong WNP bai kamap papa long en.
Namba 7 PNG Gems em i wanpela bilong ol narapela spoting tonamen bai kamap long Novemba mipela i lukluk long pinisim olgeta fesiliti bipo long gem bai stat.
Long taim ol nius lain i bung, Minista bilong Graun, Justhin Tkatchenko, i tok, “I gat bikpela hap graun i stap long WNB na Gavana i yusim pinis moa long K30 milien bilong Wes Nu Briten Provinsal Gavman long kamapim ol spot fesiliti bilong lukautim PNG Gems.”
“Em i kamapim nupela stediam, Olimpik raning trek, oval na mini stediam we Gavana Muthuvel i pilim orait bihain long hat wok em i mekim long kisim lan taitel bilong kamapim ol spot fesiliti.”