wantok

 

PAPUA Niugini i  gat gutpela sans long resis long winim wanpela medal long 3-pela pilaia basketbal salens long Mini Pasifik Gems long Vanuatu.

Bihain long win bilong ol long Melanesien basketbal sempionsip, PNG man na meri tim i  winim ples long dispela resis.
Pasifik Gems kaunsil i  amamas long tokaut long ol i  skruim 3-pela pilaia basketbal salens i  ken kamap long Pasifik Mini Gems.
CEO bilong Pasifik Gems Kaunsil, Andrew Minogue, i  tok, i  no gat wanpela asua i  stap we dispela nupela wei bilong basketbal salens bai kamap long Mini Pasifik Gems long Desemba.
“PNG bai salim tim bilong em long Vanuatu long strongim planti taitel ol i  bin winim long 2015 Pasifik Gems long Pot Mosbi,” Minogue i  tok.