wantok

 

HET Kosa bilong Wales, John Kear, i tokaut long 24 man skwat bilong em bilong pilai long Ragbi Lig Wol Kap 2017 resis.

Kear i tokaut pinis 38 man trening skwat pinis long July, tasol nau em i makim fainal 24 man skwat husta bai resis long en.
 Long ol dispela skwat, 14 pilai e mol husat i bin makim ol Wales na pilai egensim ol Itali long Oktoba las yia long na i winim ol long kwalifai long Wol Kap.
Het kosa, John Kear, i tok, “Mi amamas wantaim ol skwat mi makim bilong resis long Wol Kap tonamen.
“Mipela i rausim sampela bikos ol i kisim bagarap na long sampela astingting bilong ol yet, tasol ol boi bai go resis em ol husat i soim amamas bilong ol long makim kantri.
“Dispela em i bikpela sans na mi gat strongpela tingting olsem ol bai soim gut kala bilong ol long taim bilong pilai.”
Skwat bai go long Brisbane, Australia, bilong trening kemp long Tunde, Oktoba 17.
Ol bai opim Ragbi Lig Wol Kap 2017 resis egensim Papua Niugini long Pot Mosbi long Sande, Oktoba 28, bipo long go long Townsville long pilai egensim Fiji long Sande, Novemba 5.
Ol bai pilai fainal pul resis bilong ol egensim ol Ireland long Perth.
Ol 24 man skwat bilong Wales em; Courtney Davies, Steve Parry (tupela bilong Gloucestershire All Golds), Chester Butler (Halifax), Danny Ansell (Hunslet), Sam Hopkins (Leigh Centurions), Michael Channing, Ben Evans, Dalton Grant, Elliot Kear, Rhys Williams (olgeta bilong London Broncos), Matty Barron (Newcastle Thunder), Joe Burke (Oldham), Gavin Bennion (Rochdale Hornets), Craig Kopczak (Salford Red Devils), Matty Fozard (Sheffield Eagles), Andrew Gay, Christiaan Roets (both South Wales Ironmen), Regan Grace, Morgan Knowles, Ben Morris (olgeta bilong St Helens), Rhodri Lloyd (Swinton Lions), Josh Ralph (Tweed Head Seagulls), Phil Joseph (Workington Town), Matty Seamark (Wynnum Manly Seagulls)