wantok

 

RAGBI Lig Wol Kap Ragbi 2017 i tokaut long wina bilong RLWC2017 Jesi Disain resis.

Resis i stat long mun Ogas we ol makim ol praimeri skul sumatin long disainim wanpela jesi bilong Papua Niugini na ol birua tim, Wales, Ailan na USA , husat bai pilai long 3-pela pul resis long Oil Search Nesenel Futbal Stediam.
CEO bilong RLWC2017, Andrew Hill i tok, i tok, dispela jesi disain resis i strongim ol sumatin long soim ol talen bilong ol long dro na stap wantaim Ragbi Lig Wol Kap salens.
Skul bilong ol sumatin i win bai makim narapela 33 sumatin na ol bai gat sans long go wantaim Wol Kap tim long taim bilong pilai.
Jesi disain kompetisen wina bilong Wales em Barringan Koivi bilong St. Peters Channel Praimeri.
Jesi disain kompetisen wina bilong Ailan em Ryanna Taule bilong Gerehu Praimeri na Aaron Rex bilong New Erima Praimeri i winim USA jesi disain resis. Olgeta wina em ol gret 5 sumatin.