wantok

 

DANNY McGuire i pinisim pilai bilong em wantaim ol Leeds Rhinos na putim tupela trai na tupela fil gol na mekim tim bilong em long winim Supa Lig Gren Fainal, 24-6, egensim ol Castleford Tigers long las wik Sarere.

Kepten McGuire i pilai las gem bilong Yorkshire klap na winim prais bilong resis long namba 8 Gren Fainal win bilong ol Rhinos.
McGuire bai joinim ol Hull KR long neks sisen. Em i winim bes pilaia awod long namba tu taim long tripela Gren Fainal resis em i bin pilaia pinis.
 “Mi tingting long dispela kain stori i ken kamap we mi pilai hat na winim dispela resis.
 “Mi tokim ol boi bilong mi long lusim olgeta samting arasait na tru, mipela i mekim olsem,” McGuire i tok.
Tom Briscoe i skorim narapela tupela trai bilong ol Rhinos.
Tim poro bilong McGuire, Rob Burrow, tu i pilai las gem bilong em bipo long joinim ol kosa.
McGuire na Burrow wantaim i pilai long olgeta 8-pela Gren Fainal win bilong ol Rhinos.