wantok

 

MIDFILDA bilong ol Manchester United, Marouane Fellaini, i kisim bagarap long skru bilong em na em bai malolo sampela moa taim.

Fellaini, em i namba wan pilaia bilong ol United, i win yet long stat bilong sisen, tasol 29 minit bilong Wol Kap kwalifaia resis egensim Bosnia na Herzegovina long Sarajevo i stap yet na em i kisim bagarap.
Kosa, Roberto Martinez, i no amamas bihain long Fellaini i kisim bagarap na lusim Grbavica Stediam.
“Mipela olgeta i wari long Fellaini bikos wanpela masol bilong em mas bruk,” Martinez i tok.
Fellaini bai go long sken long Sande.
Menesa bilong United, Jose Mourinho, i wari long top pilaia bilong em i kisim bagarap na  i tok, ”I gat bikpela gem bai kamap long Sarere egensim ol Liverpool long Anfield na dispela bikpela bagarap pilaia bilong mi kisim i bagarapim tingting bilong mi.”
Bihain long 19 poin long 7-pela lig gem ol i pilaia, United i stap namba tu ples bihain long ol Manchester City i stap pas wantaim wanpela gol.