wantok

 

KISIM GRAUN: Yunaitet Nesen (UN) i save mekim bikpela wok long Papua Niugini. Planti taim long helpim kantri long taim bilong bikpela hevi olsem bikpela san, ren, tait wara, graun guria, graun bruk, sunami na kros pait.

Long taim bilong pait long Bogenvil, Yunaitet Nesen i bin helpim long bringim bel isi i go long ailan. Las wik opis i makim graun namel long Morauta Haus na Morea Haus long Waigani long sanapim nupela opis bilong ol yet. Sif Seketari bilong Gavman, Isaac Lupari, i tok long luksave long wok UN i mekim, gavman i givim graun namel long ol opis bilong en long lukim UN i ken go het long givim sapot long kantri. Lupari wantaim Haoliang Xu bilong Saina husat i Dairekta bilong Yunaitet Nesen Opis long Esia Pasifik Rijon long Thailand i opim dispela graun. Poto i soim Roy Trivedy (lep han), Yunaitet Nesen Residen Kodineta long PNG, Haoliang Xu, Isaac Lupari na Bill Dihm, Seketeri bilong Foren Afeas i sanap. Poto: Paul Zuvani