Long Palamen dispela wik ol memba i toktok long nupela PNG Helt Imejensi Bill. Neks wik bai Wantok Niuspepa i stori moa long dispela Bill.
Kontrola bilong SOE Komisina David Manning i rausim olgeta olpela oda bilong SOE na givim 13-pela nupela oda. Lukim stori long pes 5.
Twenti nain sitisen bilong PNG long Indonesia i kam bek pinis. Lukim stori long pes 5.
Ol PNG sitisen i stap long Fiji na Vanuatu bai i kam bek long kantri.
Lo bilong 14-de kwarentin taim ol pipel i kam long ovasis i stap yet.
Ol skul i go bek nomol
Oda namba 8 i tambu long ol stua long apim prais bilong ol kaikai.
Dokta Paison Dakulala i tok tenkyu long ol helt wokmanmeri long go het yet long mekim wok bilong banisim COVID-19 long taim i no gat planti infomesen long sik ya.
Isten Hailans Provinsal Helt Atoriti i kisim ol ventileta bilong ol long dispela wik. Lukim stori long pes 7.
Toktok bilong sosel distens na kus i go insait long elbo i stap yet. Em i gutpela ol pipel i bihainim dispela ol tingting bilong abrusim sik COVID-19.
MAF i mekim gutpela wok bilong mekim awenes long COVID-19 long ol rurel ples balus we em i flai i go long en. Ritim stori bilong MAF long pes 20.