wantok

 

OL SISTA bilong Sariti bilong Santu Anne i amamasim 25-yia bilong ol long Papua Niugini wantaim tenkyu Misa long Santu Anne Konven, Gerehu Stes 6, long pinis bilong las mun.

Mausman bilong Pop long PNG na Solomon Ailan, Apostolik Nunsio Kurian Mathew Vayalunkal i bin go pas long dispela Misa.
Long skul toktok bilong em, Asbisop Vayalunkal i tok long wanpela i givim laip bilong em long givim sevis, dispela i no isi samting.
Em it ok dispela i laikim komitmen na strongpela bilip long mekim.
Em it ok PNG i ples bilong “Len ov da Anekspektet,” na olsem wanpela i mas redi long bungim kain kain samting we wanpela i no redi long em.
Em i givim luksave na tok tenkyu long Sariti bilong Santu Anne Kongrigesen long 25 yia ol i givim sevis long ol manmeri long PNG, moa long ol pipel long Galp provins.
Ol sista i go long Kamina, Galf long 1992 na bihain statim wanpela haus long Gerehu, Pot Mosbi na bihain Kundiawa long Simbu provins.
“Lewa bilong mipela i pulap wantaim amamas long God long lukaut na blesing em i givim long long manmeri,” Sista Philo Malliakkal, Suparia bilong Sariti bilong Santu Anne Kongrigesen i tok.
Em it ok tenk long ok lain manmeri, moa yet long Apotolik Nunsio husat i kamap long lotu na amamas wantaim ol.
Bihainim toktok em bipo provinsal superia bilong ol i mekim, Sista Philo i tok: We no gat man i go, mipela i mas go... we no gat man i save go long helpim, mipela i mas go na helpim.”
Em i tok tenkyu long ol namba wan sista husat i go long mekim wok olsem Sista Primitiva Vela, Begonia Villar, Lucia Retuerto na Milagros Zulaica.
Em it ok tenkyu tu long Santu John ov God Brata na ol Salesian bilong Don Bosco.