wantok

 

EDUKESEN Dipatmen las wik long Pot Mosbi, i bin givim setifiket long 172 ol opisa bilong en bihain long ol i bin pinisim trening bilong Pablik  Sevis Indaksen program.

Dispela trening em bilong helpim ol wokman long kisim moa save long wok bilong ol na tu long kisim save gut long narapela save bilong mekim wok we ol i no klia long en.
Deputi Edukesen Sekreteri, Walipe Wingi i tok, “Mipela i putim dispela ol opisa long trening long kisim moa save long wanem samting ol i mas mekim insait long wok ples olsem save long Pablik sevis menesmen Ekt o pablik fainens menesmen Ekt bilong Jeneral oda. ”
Wing i tok, “Bikpela hevi em, i gat planti taim ol wokman husait ol i wok longpela taim insait long opis o husat i save kam nupela tasol i no save long wanem wok bilong ol na wok bilong ol long jeneral pablik sekta.”
“Sampela bilong ol wokman ol i no save long ligel isu na lukluk longng Supaneuesen taim ol i lusim wok na nau dispela ol nupela opisa i kam insait long sistem bilong edukesen, ol i mas long save long wanem wok long mekim bikos long skruim wok go moa yet,planti bilong ol i no save.”
Wingi i tok olsem dispela trening program i givim ol save long planti samting na i no bilong edukesen tasol.