wantok

 

Dear edita, Mi laik givim liklik toktok long Honorable Minista bilong Helt, Sir Puka Temu.

Mi wanpela Kristen Helt Sevis Woka. Mi salim tok amamas na tenkyu bilong mi na kongretuletim yu Sir Puka Temu long kamap Minista bilong Helt Dipatmen.
Mi tok tenkyu long Praim Minista i bin makim yu minista bilong helt.
Honorable Minista, mi makim ol arapela Kristen Helt Sevis Woka na mi askim yu long givim bek dispela K50 milien Kina bilong Kristen Helt Sevis long PNG em las gavman i bin katim na i no givim long las tupela (2) yia i kam inap nau.
Dispela K50 milien Kina em i saleri bilong mipela ol Kristen Helt Sevis Woka. Pe bilong mipela i go daun tru na mipela i painim had taim i kam inap nau.
Plis, yu givim bek dispela K50 milien na mipela i mas bekdetim i go long dispela tupela yia i go na mipela kisim kaikai na stap wantaim amamas na mekim wok long helpim ol pipel bilong yumi.
Tenkyu na God bles yu.
KHSW
Mambisanda