wantok

 

BIKPELA mobail kampani, Digicel, i kamapim moa sevis long 1Tok Kombo promosen long dispela wik. Dispela sevis em kampani i tok i supa-pek we em i kolim olsem 1Tok+Kombo.

Digicel PNG Sif Ekseketiv, Valde Ferradaz i tok dispela ol sevis i kam bihain long gutpela mak bilong namba wan Kombo promosen mobail telepon kampani i mekim.
Ol nupela sevis 1Tok+Kombo i givim em long ol manmeri i ken gat fri yunit long toktok, salim tok save, laikim na serim ol toktok i go i kam.
Ferradaz i tok dispela promosen i kamapim nupela mak na i kam wantaim ol nupela mak ol i no lukim bipo na olsem ol i putim moa sevis long mekim bikpela dispela promosen.
Em i tok long namba wan 1Tok+Kombo, inap long tu (2) milien kastoma i yusim dispela sevis.
Dispela nupela sevis i kam long wanpela de, 7-pela de na 30-de pek.
Em i tok dispela i lukim ol kastoma i yusim fri kol na fri Facebook wantaim planti data na teks long liklik prais tasol.
Em i tok 30-de 1Tok+Kombo i kost olsem K50 long taim wanpela de 1Tok+Kombo i stap olsem K5.
“Mipela i toktok long manmeri inap long salim tok i go i kam wantaim liklik sas na sevis ol i laikim long en,” Ferradaz i tok.
“Dispela nupela 1Tok+Kombo i namba wan promosen bilong mipela long taun na i sevis we planti kastoma bilong mipela i laikim long en.
“Mipela i tok tenkyu long ol kastoma long kisim taim na givim mipela bekim long kamapim dispela promosen.
“Wantaim bekim mipela i kamapim nupela mak long givim gutpela sevis long ol kastoma bilong mipela.
“Mipela bai harim na bihainim tok bilong ol kastoma bilong mipela.”
Ferradaz i tok ol i lonsim Digicel 30 de 1Tok+Kombo wantaim mak we wanpela i ken toktok longpela taim (Unlimited Digicel Talk), 500 mbs bilong Facebook, Whatsapp calling na 500 teks.
Ol kastoma i ken go long My Digicel app or ringim *675# long askim long 1Tok Kombo.