wantok

 

DAIREKTA bilong medikol sevis long bikpela mental haus sik long Papua Niugini i askim nesenel gavman long luksave long bikpela wari long sik long het o mental helt bilong ol wokman meri.

Dr Ludwig Nanawar i mekim dispela askim long makim Wol Mental Helt De (WMHD) em ol i selebretim long Tunde.
Em i tok planti taim ol wokman na meri i save gat sik long het o ol i gat mental wari, tasol ol i no save long wanem kain helpim ol i ken kisim long stretim dispela sik bilong ol.
Olsem na Dr Nanawar i tok bai gutpela sapos ol gavman dipatman na ol bisnis bosman i painim ol gutpela rot long helpim ol woka bilong ol.
Em i tok tu olsem sapos ol wokman na meri i no kisim dispela sik, wok bilong ol bai gutpela na bai helpim wok bilong gavman na kantri tu.