wantok

 

ASOSIESEN bilong ol Saina pipel long Vanuatu ol i kol im Vanuatu Saina Provins Asosiesen i givim han long helpim ol planti tausen pipel bilong Ambae husat i bin lusim ailan bilong ol long taim volkeno i bin paiarap.

Planti long ol 11,000 pipel i bin stap long Luganville long Santo ailan, na sampela bilong ol i stap long ailan bilong Pentecost na Maewo.
Tanim tok bilong Vanuatu Saina Provins Asosiesen, Benny Lee, i tok olsem ol memba bilong asosiesen i sori tru long wanem samting i kamap long ol famili long Ambae.
Mista Lee i tok olsem ol i wanbel olsem ol i mas givim han na ol i bungim mani i winim mak bilong 800,000 vatu long helpim ol dispela pipel.
Em i tok olsem mani ol i bungim, em ol i baim 1,000 katen wara na 187 katen bisket long givim long ol dispela pipel bilong Ambae long Santo.