wantok

 

PLANTI bisnis long Mendi taun i tok ol bikpela politikal trabel long provins i wok long kamapim bikpela hevi long ol bisnis bilong ol.

Sampela bilong ol i tok ol i rausim pinis ol wokman na meri long wanem ol i sot long mani long baim ol dispela woka.
Mendi taun i bin pas long tupela wik nau bihain long indai bilong tupela polisman na wanpela skul tisa em ol i bin kilim long ol pait namel long sampela lain wanpisin i bin sapotim tupela kendidet bilong sit bilong gavana bilong provins.
Dispela ol trabel i bin kamap bihain long gavman i bin tokaut olsem William Powi bai Gavana bilong provins na em i bin winim narapela man, Joseph Kobol.
Ol i bin kukim ol haus, na ol sevis olsem haus sik, ples balus, ol benk, na NBC tu i pas inap long Tunde.
Lucas Martin em i wanpela bisnisman long Mendi taun na em i tokim Radio Australia, olsem ol i bungim bikpela hevi tru.